公园's profileIncompleteBlogListsGuestbookMore  |  Tools Help |
|
比我知道你有嚟过....
|
Incomplete这里是被忘却的维度,于宇宙中每个神秘角落不断漂流... December 20 好攰吖... 唔知係咪病咗特别攰,家下又出现果种咩都唔想做嘅状态...就算连班友叫我打机我都冇反应... 就快考试啦...我觉得我係一个好失败嘅大学生,连考试都觉得惊... 谂起自己呢两年几嚟,好似乜都冇学过咁...究竟係教育制度的问题,还是我本人的问题呢? 不过好多嘢,你唔主动去学,就永远都唔识.就好似前两日买手机咁,以前一直都唔识睇,到头嚟都係买咗部好好嘅.个seller真係唔话得,肯拿5部比我拣. 真係病到痴线,都唔知自己想表达D咩....係咁先... December 09 O'dota! 终于拿到星期6晚出show嘅视频。唔知点解，把bass係我身上显得特别大－ － 墩哥话觉得我好惨，因为视频里面我完全处身係黑暗中（啫係睇唔到）。哈哈，唔知点解拉咗入我电脑之后我睇得好清喔，我越来越觉得我部BFC係好嘢。 介绍下O'dota嘅成员先： 主唱——屠夫（大lun沣） 吉他——骷髅王（阿杜） 鼓手——熊猫酒仙（panda，亦名墩哥） 贝司——骷髅射手（在下） 点解我地叫O'dota呢？其实係咁嘅：有次排练完踩车翻学校嘅途中，我地讲起另外一间房队band，里面其中一个人係墩哥以前同学。墩哥问我地佢同学似唔似斧王？然后我突然爆咗句：“唔洗惊，我地有屠夫（大lun沣）咬住佢。”之后4个一齐爆笑。然后讲讲下，就好无聊咁揾咗dota里面嘅英雄代入我地身上。我同阿杜就好明显太瘦，所以係骷髅射手同骷髅王。大lun沣就啱啱相反。墩哥本身叫panda，又几饮得，所以就係熊猫酒仙。 不过讲真，原本我以为今个学期冇得玩。后来有晚墩哥揾我倾，问我练bass o唔ok。果时我觉得好意外，我连木吉都唔识，点可能。墩哥话：“其实我觉得你可以试下，你识少少吉他嘅乐理，又识少少打鼓，而且D谱唔难。最重要你有时间。”（我果然係个闲人－ －）。就係咁，我就由主唱变咗做bass。bass比我嘅第一印象係好重（博头好痛），好长（几乎唔够手长），条弦好粗（大佬，手指都痛埋），仲有就係key好低，真係唔插音箱你唔会觉得佢D声係乐器声。第一首要练嘅歌係郑钧嘅《流星》，呢首歌bass简单到爆，嚟嚟去去就三个位，求其揾个人都识（我再一次明白我真係闲人－ －）。不过啱啱开始练果时都唔係好惯，成日禁唔实D弦。第一晚去排练，一夹起身，墩哥话：“你ok喔，中间果段solo都得啦，我谂住你冇咁快得嘎。”（原来我唔止係闲人，我仲係蠢人－ －）后来我地又夹咗《彩虹》《不能说的秘密》，仲有五月天嘅《听不到》（仲搞到我而家好中意呢首歌添），当然，呢D歌嘅bass係比流星要难（我要证明我唔係蠢人！），但係都唔算太难（命运的捉弄啊！！！）。 第一次出show，係隔离专业嘅联谊，我地作为嘉宾出席（谂唔明点解我地可以做嘉宾），出咗《流星》同《彩虹》。开头我有少少紧张，开始之后听到台下观众嘅反应，我地几个都好有feel。果时我真係好开心嘎。遗憾到咗《彩虹》D音响出现咗少少问题。 第二次，我地专业联谊，有搭晒舞台咁，以为会好正啦，今次。结果，晚会开始前，音响出现严重问题，演出果时我完全听唔到自己弹咩，超冇mood，错n多。真係唔明果间风乐琴行点做嘢，比咁多钱佢都出D咁低B嘅问题。超郁闷果次，晚晚排到11点，咁辛苦，就衰係D咁嘅嘢手上。 第三次，可能係我地O'dota最后一次，因为下学期唔知有冇机会。由于大家都冇咩时间，所以都係用旧歌。今次效果都唔错，只可惜有段时间吉他同主唱听唔到声，又係调音D人唔识控制，死白痴。 …… 我发觉我而家好眼训，仲有好多嘢想讲，但係又唔知点讲。总嘅嚟讲我几开心，可以弹bass，虽然D歌比较简单。仲有就係希望下学期仲有机会玩啦，到时睇下自己可唔可以再突破。最后我想讲一句：“天灾再强，网络异常！band队再强，音响异常！” 晚安 September 06 爱过爱过，夫复何求？
我，还有什么？还怕什么？
伤痛，换来了成长
天真的意气用事，换来的只是无补于事
越来越认同，不是一切事情，都是理所当然的
现实就是这样残酷，改变不了的，只能去接受
兜巴升 11:13:16
最难控制的就是别人的心灵 我什么都做不了，起码我还能强迫自己去坚强
于黑夜里，寻找属于我自己的星光
August 18 冇意思又係你自己话要约束自己,打机唔屌人,少少错误你咁大意见,你估我想嘎?我够想自己好似sk.loda咁劲咯.我当你朋友先劝你唔好放弃啫,你反而一D都唔尊重我.咁一齐玩仲有閪意思啊?话閪之你以后唔打啦.而家我规定受你气嘎?冇意思
另外果个我又唔知你想点,问多句又唔中意,唔问又话我冇兴趣同你讲嘢,同你讲嘢又唔理我?咁我可以点啊?人拍拖我拍拖,我觉得自己好失败.冇意思
一个二个都唔知你地想点? 无所适从真的感到无所适从...完全不明白!!!
自己一个人承受好痛苦!!
我已经不断叫自己不要往坏的方面想!!!
但我发觉,我在让步的同时,你好像越来越过分!!! July 29 缘分熟悉的陌生人可以突然走在一齐
CET6的课堂上可以遇见一位旧朋友
亲如兄弟的小学旧同学会突然因为对方的变化觉得无所适从
曾经很接近的人可以突然逃得很远
人好像一个分子,缘分是轨迹,两个分子什么时候碰撞,碰撞后会发生什么?无法预料
这就是缘分,实际上不过是一场意外
June 28 admit it"当感性的人遇上理性的人 注定是一场残酷的演出 价值观与知识结构的不同让结局布满了血色的斑" 其实,一切的错,都是我所造成 我,以为终于划出了彩虹,原来是命运一次更加阴险的捉弄 你,背负着沉重的罪名,令我心痛 当一个人走进沙漠,受尽各种折磨,却没法死去,是一种永无止境的痛苦 admit it!it's your fate,who is always playing with u... June 09 累我越来越觉得，我的心，真的倦了...
无计可施，思绪很凌乱
我也不想逼得太紧
但有时心里真的很不踏实
因为在乎，所以会觉得失望
结果往往弄巧反拙
真的很矛盾
我很怕有一日我会离开，或者逼到你离开
我很怕，我真的很怕
祈求上天，这一日永远不会到来 April 04 珠海之旅原来我已经一个月冇更新过我个spaces...其实谂谂下,都并非我所愿... 上次翻屋企,已经喺两个星期前嘅事,仲要翻到嚟个A仔出咗问题,基本上唔到网,无奈之下,唯有单机dota,虐待电脑...正如鹏哥话,好日都唔翻屋企,一翻就搞单咁嘅嘢,十分郁闷... 上星期,我相信应该喺我大二下学期最开心嘅一个星期,我哋班嘅旅游终于搞得成,虽然之前筹备果时真喺好辛苦,好委屈,但喺上星期日翻到学校,发觉好参加呢个旅游嘅同学都话果两日玩得好开心,真喺觉得好欣慰!事不宜迟,即刻送上果两日旅游D相先!(我又要赞下呢个windows live writer,真喺好方便!!)
搞怪完,而家发翻D正常D嘅先得
记得回程嘅途中,大家都玩到好攰,几乎所有人都喺车度训着咗,白就趁呢个机会拍低咗所有人喺车上嘅睡态,实在太过分啦!!好彩后来我睇翻,发觉自己喺车上嘅睡态都唔会话太难睇...后来屎忽哥迟迟都未醒,我哋唯有帮佢拍咗段<屎忽哥狂啪摇头之名胜古迹>.介于影片内容恶心,为避免观众恐慌,此段短片只供内部观看,谢绝外传... 希望大三我哋班再有机会去旅游!到时我一会继续支持 March 01 20080229开学后的第一个星期...翻屋企了... 呢个星期,身体遭受病魔嘅折磨><好痛苦...星期4晚仲咳到训唔着...数翻起,原来已经有个几星期...上星期唔记得星期几开始咳啦,上星期五逃咗最后果节新东方去咗省中医院睇病,翻到学校又睇咗次校医,点知都喺冇咩好转.今日下午连中药化学都冇上,去咗市一睇中医,希望有效啦...我真喺好辛苦啊!!!差D漏咗...中医话我喺风夹热,西医话我气管炎... 今日发生最黑嘅一件事,睇完病翻到屋企发觉屋企锁匙留咗喺学校><天啊!!点解你要咁玩我?后来搞到要坐车去揾我老豆拿锁匙,无奈... 今个星期,发生咗一件事,虽然同我冇直接关系,但喺思考咗一下关于朋友嘅问题.我觉得,朋友喺相互嘅,要尊重对方,企喺对方嘅角度谂,顾及对方嘅感受.而唔喺单凭自己嘅主观谂法出发,口口声声话好朋友,但喺却一次又一次咁令对方失望...A生日,B谂尽办法帮A庆祝;到咗B生日,A连短信都冇条!真喺太过分!就算你话你唔记得,咁点解唔一早记喺部手机度?而家D手机仲有闹钟提示你有朋友生日.幸好我一早对A失望,咔咔... 最后送上今个星期最抵死语录: February 24 开学前(23号)...寒假终于结束...听日就要翻入学校了....虽然今日已经拿咗好多嘢翻入去...点解我翻咗去都要翻嚟?唉....呢几日咳到想死...好辛苦啊真喺>_<...星期五果日连新东方都冇上,去咗省中医睇病(今次唔记得哒自己喺广中医添),个医生话我风夹热喔,我仲发觉呢个场依然好旺,候诊时间依然好长...... 今日喺学校试翻对cons...发觉...条505真喺唔拖地!!!!!!!!!哇!!!!太兴奋了!!!!!太开心了!!!!终于揾到条可以着cons嘅牛仔裤!!!!!!!喺度欢呼下先!!!OhYeah!!!!!!!!!! 总结下呢个假期,成个假期都喺度dota,虽然好颓废,但喺我冇后悔过,因为呢个游戏真喺好特别,正如MC话,呢个游戏已经超越咗warcraft3本身,Blizzard应该多谢dota嘅作者,赋予咗warcraft3新嘅生命!!总结dota四样最基本嘅嘢----配合,意识,冷静,操作.不过开咗学就唔玩了,要认真读书啊真喺,如果唔喺一定会挂科,高三生活又开始了... February 17 sth in new oriental原来我又成个星期冇更新过spaces.... 呢几日,日日都去上新东方cet6,朝早好早起身啊要...好辛苦><....(虽然我得三日冇迟到过...)... 不过上课果时我听得好认真...同上次感觉一样,新东方D老师真喺犀利,无论从边方面...记得上次上cet4嘅Willian,识好多嘢,佢本身喺读灵学,果时成日好希望佢讲关于果方面嘅嘢!!我本笔记簿而家仲有佢签名嘎!!今次词汇老师都好过瘾,广州人,佢话佢自己喺we战队嘅比较唔出名嘅队员,师父喺suho,bn最高排名93.....两次词汇老师都好好玩我觉得!!!当然,其他老师都好犀利,不过多数都喺英语方面... 每日中午11点,就是最郁闷的时候....因为上新东方就预咗冇淡好食...得50分钟时间食饭,而且集中埋同一时间落课..简直喺痛苦!!头几日冇叫外卖,日日中午都冇米到肚,翻到屋企就饿到抽筋....呢两日开始叫外卖,唉,贵夹唔饱....仲记得同猪去买嘢果日,佢就话顶唔顺新东方冇时间食饭同埋长时间上课.... 仲有,今次上课竟然撞到高中嘅陈江,仲有初中嘅阿蕉,仲要佢哋两个而家喺隔离班....哇!!呢个世界真喺细..... 听日,继续认真听课!! February 10 放假嘅最后一日点解今日喺放假嘅最后一日?听日我就开始去新东方上cet6啦...早上7点起床,冻冻冻!!><..而且根据上次经验,上新东方喺一件好痛苦嘅事,两个几钟一节课....不过既然报得名上就一定要认真听!! 听日开始就唔可以再疯狂dota啦...呢个真喺一个唔错嘅游戏,我对打机已经好耐冇试过好似而家咁热情啦...呢个游戏最需要冷静,而我啱啱就喺唔冷静嘅人,所以放假到而家玩咗个几星期,真喺锻炼咗唔少.喺呢度介绍我下D队友:郭睿,郑棉,mzone,鹏哥,白,何明,群爷,志伟哥,字勇,仲有不得不提嘅henry哥- -.....琴日鹏哥仲特登开咗个dota群,真喺专业!! ps:今日鹏哥生日,喺度祝佢生日快乐!!ohyeah!! |
|||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
。哈哈，所以，唔好喺度讲我坏话啊~~~~
|
|
